තරමක් දුර්ලභ දේශිය පක්ෂියෙකු වන විල් කුකුලා වගුරු බිම් සහ පන් ගාල් වල මෙන්ම ඇතැම් විට කුඹුරු ආශ්‍රීතවද පහත රට ප්‍රදේශ වල දිවයින පුරාම පාහේ හමුවේ. බොහෝ දුරට රාත්‍රියේදී ක්‍රියාකාරි වන පක්ෂියෙකු බැවින් සහ පන් ගාල් අතර සැගවී ගමන් කරන බැවින් පහසුවෙන් දැකීමට හැකි පක්ෂියෙකු නොවේ. විවිධ ධාන්‍ය වර්ග ගොයම් කොල, සහ ගස් වල රිකිලි ආදිය ප්‍රධාන වශයෙන් අහාර කර ගන්නා මුත් කෘමීන් සහ බෙල්ලන්ද ගොදුරු කර ගන්නා ආකාරය නිරීක්ෂණය කර ඇත. නිරිත දිග මෝසම් වැසි ලැබෙන ජූලි සිට අගෝස්තු දක්වා කාලයේ ඝනව ගස් කොලන් වැවුන ස්ථානයක වල් පැලෑටි රැසක් එකතු කර සාදන කූඩුවක බිත්තර දෙකක් දමා අභිජනනයේ යෙදේ.English Post >>
