පහත රට වියලි කලාපයේ, විශේෂයෙන්ම වෙරලාසන්න ප්‍රදේශ වල ස්ථානීය වශයෙන් සුලභ දේශීය පක්ෂියෙකි. කලාතුරකින් තෙත් කලාපයේ සහ කඳුකරයේද නිරීක්ෂණය කර ඇත. ශුෂ්ක විවෘත බිම්, අස්වැන්න නෙලාගැනීමෙන් පසු වියලී ගිය කුඹුරු සහ තෘණභූමි වල ජෝඩු වශයෙන් හෝ අභිජනන කාලයේ නොවේ නම් ලොකු, කුඩා රංචු වශයෙන් ප්‍රධාන වශයෙන් ශාක බීජ වර්ග ආහාරයට ගනිමින් හැසිරේ. එසේම කෘමි වර්ගද ගොදුරු කර ගන්නා අතර පැටවුන් ප්‍රධාන වශයෙන් කෘමින්ගෙන් පෝෂණය කරයි. ප්‍රධාන වශයෙන් භූමිය මත සැරිසරන පොඩි ගොමරිට්ටා ගස් මත වසා සිටිනු දැකිය නොහැක. මාර්තු සිට ජූලි දක්වා කාලයේ විවෘත භූමිය මත සෑරු කුඩා වලක් වටා තණකොල අතුරා, ඇතැම්විට කුඩා ගල් සහ මැටි ගුලි වලින්ද අලංකාර කර තනන කූඩුවක බිත්තර 2 ක් දමා අභිජනනයේ යෙදේ.
No comments:
Post a Comment