පාවෙන ජලජ ශාක බහුල පහත රට වැව් සහ වගුරු බිම් වල සුලභ දේශීය පක්ෂියෙකි. විසිරුණු රංචු ලෙසින් පාවෙන ජලජ ශාක මත සිය දිගු ඇඟිලි සහ නිය භාවිතා කරමින් ඇවිදින බළල් සේරන් විවිධ ජලජ ශාක වල බීජ, ධාන්‍ය වර්ග සහ ජලජ කෘමීන්, කූනිස්සන් වැනි දේ ආහාරයට ගනී. බළලෙකුගේ වැනි නාදයක් නගන හෙයින් බළල් සේරා යන නම මෙම පක්ෂියාට ව්‍යවහාර වේ. බළල් සේරුන් වසරේ පෙබරවාරි සිට ජූලි අතර කාලයේ ජලජ පැලෑටි එකතු කර සාදා ගන්නා තෙතබර කූඩුවක බිත්තර 3 ක් හෝ 4 ක් දමා අභිජනනයේ යෙදේ.
