මිනිස් වාසස්ථාන වලට ආසන්නව රට පුරාම පාහේ දැකිය හැකි දේශීයව අභිජනනය කරන සුලභ පක්ෂියෙකි. රංචු වශයෙන් හැසිරෙමින් පලගැටියන්, සලබයන් වැනි කෘමීන් සහ මිනිසුන් විසින් ඉවත දමන ආහාර මත යැපේ. මෙම පක්ෂියා ගොඩනැගිලි වල පිහිටි කුහරයක් තුල තණකොළ, පිදුරු වැනි ද්‍රව්‍ය රැසක් එකතු කර ඒවා පිහාටු වලින් වටකර තනන කූඩුවක බිත්තර හතරක් හෝ පහක් දමා වසර පුරාම පාහේ අභිජනනය කරයි. එහෙත් බොහෝවිට මිනිසුන් විසින් සිය නිවෙස් වල බිත්ති මත ඒ සඳහාම එල්ලා තබන සිදුරක් විදින ලද මැටි මුට්ටි තුල සිය කූඩුව තැනීම සඳහා ගේ කුරුල්ලන් පුරුදු වී ඇත.
English Post >>
