කොළඹ කපුටා දිවයින පුරාම පාහේ සුලභව හමුවන දේශීය පක්ෂියෙකි. මුහුදු බඩ ප්‍රදේශ වල සහ නාගරික ප්‍රදේශ වල වඩාත් සුලභ මුත් ඝන වනාන්තර වල හමුනොවේ. සර්ව භක්ෂක පක්ෂියෙක් මෙන්ම කෑමට ගත හැකි ඔනෑම දෙයක් කන කසලශෝධක පක්ෂියෙකු වන කොළඹ කපුටාගේ ගහණය කුණු කසල බැහැරලීම අවිධිමත් ප්‍රදේශ වල වර්ධනය වීම වෙනත් සතුන්ගේ විශේෂයෙන්ම වෙනත් පක්ෂීන්ගේ පැවැත්මට තර්ජනයක් ඇති කරයි. රාත්‍රීයේදී නගර වල ඉතිරි වී ඇති උස ගස් වල සමූහ වශයෙන් ලැගුම් ගන්නා අතර ගොම්මන් යාමයේ සතර වටින්ම එවන් නවාතැන් ස්ථාන වෙත, ඇතැම් විට ඔවුන් දහවල් කාලයේ සැරිසරන බොහෝ දුර ස්ථාන වල සිට වුවද පැමිණෙන කපුටන් සුලභ දර්ශනයකි. වසරේ මැයි සිට සැප්තැම්බර් දක්වා කාලයේ ගසක් මත කෝටු කෑලි ගොඩක් එකතු කර සාදන කූඩුවක බිත්තර 3 ත් 5 ත් අතර ප්‍රමාණයක් දමා අභිජනනය කරයි.
English Post >>
No comments:
Post a Comment